Ett ess att we:ens su wiit,
derr Klooß hat weh sing jru:eße Ziit.
Dezember, ongerwächs benn isch Daach on Naat,
su manschem wä:et enn Freud jemaat.
Nett mä Jeschenke moss isch draare,
isch moss och övveraal jett saare.
Su wä:et ett janze Johr da övverlaat,
watt han isch doo noch nett jesaat.
Doo err ah fröjer entressert,
hann isch eh bessje rescherscheert.
Datt me de Lüh jett besser uuserej ku:et halde,
kräje se derr Bejnaam von hönn „Alde“.
Ett joof Annemi:e, Huppete, Mattesjens, Paulaz on ah Peter saat me Pi:e,
datt söönt mä eh paar, ett joov vööl mi:e.
Doch hü well isch enns eh paar anger Name saare.
dooruus kamme jett övver derr Beroff, Ziitverdriev
oder Wonnung erfaare.
Datt worre jäng Schältname, dii me hu:et,
ett woo meh, datt me se besser ongerscheje ku:et.
„Mii Wasser“ doo wost jeder änge bescheedt,
datt ett ömm der „Scheff“ vajjen Talsperr jeet.
„Bräre Pitt“ Doo ku:et sisch jeder enge saare,
de Nam ka me ne Schriiner draare.
„Eier Lena“ Lena hesch se on foor mett Eier nojene Maat,
doo wo:et äve „Eier Lena“ dra jesaat.
„Hövels Möndesje“ Derr Ejedömmer van de Wi:etschaft „Der Hövel“,
datt ess jewess, och hü noch ömmer ne „Hövels“ ess.
„Wääsch Hendrisch“ Bei de Nam woost me sofort Bescheed,
datt es dä dä de Wääsch kontrollere jeet.
„Meggele Hännesje“ Jeder wosst datt ett vööl Hännesjer joov,
äl hej, datt worr dä, mett dii Schoof.
„Klütte Karl“ Jänge hej Bescheed jewosst, hej me meh Karl jesaat,
hej wosst me, datt ess dä, dä de Brigge braat.
„Schlubbe Karl“ Att we eh ne Karl, watt wellste maache,
he verko:et nu ens Schlubbe, Schoon on eh su Saache.
„Flatte Nöll“ Irjent wii moss me och Nöll ongerscheje,
bej enne Buur köönt och addens Flatt aje Kamesool bejem spreje.
„Schniider Wibbel“ Beroff, Fijur on Jang, doo hat enge sich jett
bej jedaat, on hat äve „Schniider Wibbel“ druus jemaat.
„Poost Willsche“ He worr klenng, hesch Wilhelm, worr derr Scheff va
Päckscher, Brefe on Kaate, worr doch klor dat se „Poost Willsche“
annem saate.
„Tipp Willsche“ att we enne klennge Willi, bej demm wo:ede de Tippschiing aafjejäve, su hauw de och att we enne Naam vörr sii Läve.
„Schläschter Willsche“ Fröjer hant de Metzjer ett Schlachte noch allemool
self jemaat, doo boon ett sisch joo ah, datt me an der änge off angere
„Schlächter“ saat.
„Pedale Willsche“ Wisu:e „Pedale“? Datt ku:et isch nett erfaare,
vlescht könnt err ett misch joo saare.
„Bru:ets Will“ Dä worr Bäcker bej „Knizz“ on braat ett Bru:et va Huus ze Huus, doo maade se ehfach „Bru:ets Will“ druuß.
„Polisse Will“ Datt worr vörr jeder änge janz jewess,
datt ess der Jong van derr Poliss.
„Berschs Wellem“ He wo:et nett Will, nett Willsche, he wo:et Wellem jenangkt,
he wonde oppene „Bersch“ on worr meh als „Berschs Wellem“ bekangkt.
„Derr lange Jupp“, „Derr lange Baat“
De mi:ezte worre fröjer klenng, da wo:et an derr Naam eh „sche“ aajebraat,
worrens änge jett jru:eßer jeroone, da wo:et enne „lange“ druuß jemaant.
„Pille Jupp“ Ett hesch, oppe Rütsche, enn Appetek dii wöj derr Amtsdirektor nett,
Togal on eh sunn Pille dii braat me sisch uus jen Droscherii va singe Schwoorer Jupp mett.
„Duve Jupp“ He hat va singe Ziitverdriif derr Nam äve kräje,
he lees baschtisch jär sing Duve fleje.
„Konsumms Jupp“ Derr Konsumm woor zwoor nett hömm singe Lade,
he hauw waal doo siir lautstärk ett Saare.
„Pli:ester Jupp“ Ett pli:estere datt jeng bej hömm wii jeschmeert,
mett jett Schnäppsjer wo:et sisch och addens reschtisch rejeert.
Noch wi:er ze övverleje wö:et sisch bestemmt att lu:ene,
ett joove joo och z.B. „Koole-, Reefe– on Zijaare – Juhne„.
Doo isch joo ongerwäschs benn Daach on Naat,
wä:et vörr hü ens Schluß jemaat.
Eh isch üsch jezz endjültisch verloos,
ji:et ett waal noch eh Weggemännsche van derr Klooß.
Isch wönsch üsch datt er üsch desse No:evend noch joot ammeseert
on wö:et misch freue, wenn er misch jezz eent spendeert.
B. Johnen
Rütsche, der 08. 12. 2009
Zum Inhalt springen
