Doo isch hü wow noo üsch komme,
hauw isch misch och nüüß angesch förjenomme.
Isch ha misch noch jett opp enn Wolk jelaat,
on ha misch Jedanke övver Rüetsche jemaat.
Wemme ehsu va oven eraaf opp Rüetsche kickt,
ess me platt, watt me trozz de allije Bouwm noch alles sitt.
Besongdesch hann isch misch övver de Wi:etschafte Jedanke jemaat,
on hann dobej ah fröjere Ziite jedaat.
Och soss ess misch datt een oder angert ejefalle,
wu se hüt att lang nett mii va kalle.
Jeet me dä Weisch dörsch jene Bousch eraaf va Fringshaus,
da könnt me oppen Au:et ajene Schlachbom uus.
Hej verbraade johrlang „Frankens Wälle on Rösje“ hönn Läve,
dova ess me noch enn Weldnis mett enne Zuun drömm bleve.
Vawejens opp enne Sprong vörr eh Körnsche bej „Zimonse Will“ erenn, datt es seit vööl Johre nett mii drenn.
Wi:er de Au:et eraaf, doo stönnt nöj Huuser wii jedresse,
doch de Buurehoff va „Plesentin“ hant se aafjeresse.
An de „Wollweisch“ hann isch meh jedaat,
dii hat meh att för zisch Johre platt jemaat.
Enn de Offermannstroß, watt isch doo soch, doo worr isch platt, besongdesch wuu datt Huus va „Henne Cornel on Alwiss“ jestange hat.
Dörsch de Hofstroß, bess ajen Haddewääsch da könnt meh bej „Fückesch Schang“ eruus, äl doo schött meh att lang jee Beer mii uus.
De Haddewääsch eraaf, opp de lenke Sieh, hat sisch vööl jedu:e,
doo sitt meh ne nöje Plus on ajen Eck Wenkterjrönstroß nüüß mii stu:e.
Isch sooch de Autos de Stroß eraaf rase, aje Engkt vaje Rüetsche stong obbe Jeböj „FKK-OASE“. Als Klooß kamme eh sujett nett verstu:e, erenn döscht isch doo suwiisu nett ju:e.
Derr „Jenarelde Steen“ wo:ed för Johre aafjeresse, derr Verkiir mu:et fleße, jezz övverlät me, watt kamme vörr enn Verkiirsberöjung beschleße.
De Bahnhoffstroß, lang Ziit hatt et och do jeklappt, derr „Wilde Mann“, derr „Stumme Wirt“ on „Schöppach“ han doo Beer jezappt.
Ijene Rusendaal doo hant se jezz ijen Ziidung van en „Villa“ jeschräve, isch weeß noch, wuu ett bej „Breu:esch Bernhard“ Schnaps on Beer hat jejäve.
Fröjer ku:ete oppe Rüetsche vööl Lüh doova läve, ajene Bahnhoff, ijene Rusedaal on och ijene Rommeleweisch wo:et jewäve.
Derr „Hövel“ sitt joo hü janz angesch uus, fröjer stong doo noch enn Kastei on enne Pötz förje Huus. An de Schriinerei va „Knotte oppene Bersch“ kamme och mä noch denke, hü sitt meh doo nöj wisse Huuser blenke.
„Zur Laube oppe Krezenängkt“ doo kamme noch endt drenke, mä de Laub, dii noss meh sisch denke. Bej „Paulaz Willsche“ oder bej „Kastemännsche“ opp enne Klaaf erenn, datt es att Johre nett mii drenn.
Äl datt se ijene Brangkt verdöschte, doo bruut meh nett drömm zu bange, doo hant se joo ett „Brander Stübchen“ bej derr „Lange“. Bej „Kurze Karl“ joof ett Beer on ett Iß schmade lecker, hü ji:et ett doo mä noch ne Bäcker.
Oppen Langktstroß, fröjer „Welmß“, spi:eder „Bruns Schäng“, doo jeng meh och addens opp eh Dröppsche jäär eren. Doo steht nüüß mii van datt Aut, doo hant se alles nöj jebout. Bej Schäng hat me fröjer enn Zupp oder eh Wö:eschje jeiße, hü kamme doo mett Stäbscher eiße.
Ajen Ampel bej „Klubert/Offermanns“ hant se alles aafjeresse, isch moß saare, eh klenng bessje deet me ett waal vermesse. Meh ku:et hej fröjer enns opp eh jott „Monscher Beer“ henn ju:e, hü sitt meh doo mä Autos on Oobbstkeste stu:e.
Bej „Petsche Luwi“ die Kneip kannste och verjeiße, nevveah kriste Kaffe on kanns eh Stöcksche Kuche eiße. Bej „Henni“ doo jenge de Sports- on Vereinslüh ömmer henn, jezz ess doo enne Bio- on Ökolade drenn.
Met Bleck Rechtung Rusendaal, denk isch doo hant se äl fing Wengterfrü:et stu:e,
dii moss de disch äl va noobej enns bekicke ju:e. Vawejens Wengterfrü:et, datt hauw isch och mä jedaat, dii hant derr janze Sportplei mett Plastik belaat.
Isch han duu weh wiir övver de Wi:etschafte nojedaat, ett hant joo och eh paar nöje oppjemaat. Ett „Füllhorn“ va Feschesch Dieter, ett „Cafe“ jejeövver mett Kaffe on Kuche, bej „Schieren“ ijene Vullebroch kannste vörr jruße Feste buche.
Dii nett mii doo sönt, die falle enge ömmer we enn, z.B. de „Scheune“ doo jenge de Lüh enns jäär opp en Fritt mett Currywo:esch erenn.
Fröjer „Öbele Hein“ bzw. „Balduin“, doo kamme hü nett mii joot ajen Thek stu:e, doo kamme ett beizte för zu schweeße henn ju:e. De Ziit van „Haus Sebald“ sönt lang verflosse, dii hant för Johre de Dör att jeschlosse. Datt moss meh allerdings saare,doo komme mi:edstens Fremme aajefahre.
Oppe Spansch no „Steebecks“ doo jenge och addens vööl Rüetschens henn äl doo ess och att lang jeng Kneip mii drenn. Opp derr „Grenzhof“ (fröjer Lux) noch opp hat, kamme va ove nett rechtisch erblecke, doo jööt err ett beizte self enns kicke.
„Ziemons“ kott vörr Oche, dasch isch nett verjeiße, watt woor ess, ess woor, doo kamme joot eiße. Noch eh Stöcksche wi:er worr „Nobis“ eh Uusflochslokal, jezz ess ett futt, ess och ejal.
Eng van de öchste Wi:etschafte doo hauw isch bau nett draa jedaat, datt ess bej „Welmße“ ajene Maat. Johrzehnde worr de Wi:etschaft eh Welmße Hangkt, hü sönt ett Wi:etslüh uus eh anger Langkt.
Schräsch jejeövver, „Gaststätte Reinartz“ och als „Knizz am Dom“ bekangkt, dii hant se eh „Brunnenhof“ ömbenangkt.
Datt könnt dovann, weil se oppene Maatplei jett uus Brochstäng jemucht, wuu ovedropp eh adisch Deersche lucht. Weil se doo och addens Wasser loofe hant, wä:ed datt janze „Brunnen“ jenangkt.
Vlescht hann isch an dii äng oder anger Wi:etschaft nett jedaat, ett wä:et jezz efach Schluß jemaat. End moß isch evver waal noch saare, datt werr hü hej bej „Müllejans“ taare. Datt Lokal, Cafe on Wi:etschaft ess nett nöj on och nett ood, ett wä:ed als Wi:etschaft mett jezoot.
Jezz hann isch alles verzoot, watt isch va ove ha jesi:e on watt misch dobej ejefalle, jezz könne werr jemüütlich va fröjer noch jett kalle. Wenn derr änge off derr angere bej de Treffs och addens verjest ze schwiije,
eh Weggemännsche söggt err äl allemool end kri:eje.
B. Johnen
Rüetsche, derr 10.12.2002